2898. Quod apud illos fuerint prophetica quae in sensu interno egerunt de Domino et de regno Ipsius, non solum inde constare potest, sed etiam a propheticis Bileami, qui fuit a Syria, de quibus apud Mosen, Num. xxiii 7-10, et 18-25; xxiv 3-10, et 15-25, quae simili stilo dictata sunt ac cetera prophetica Verbi, et manifeste prae dicunt Adventum Domini his verbis, Video Ipsum, et non nunc, intueor Ipsum et non propinquus procedet stella ex Jacobo, et surget sceptrum ex Israele, et franget angulos Moabi, et destruet omnes filios Shethi, Num. xxiv 17;