2355. Vers. 6, 7. Et exivit ad eos Lot ad januam, et ostium clausit post se. Et dixit, Ne quaeso, fratres mei, malefaciatis. `Exivit ad eos Lot ad januam' significat quod prudenter se applicaret: `et ostium clausit post se' significat ne violarent bonum charitatis, et negarent Divinum Humanum et Sanctum procedens Domini: `et dixit' significat exhortationem: `Ne quaeso, fratres mei, malefaciatis' significat ne violent illa; `fratres' dicit, quia ex bono ex quo exhortatus.