2278. Vers. 31. Et dixit, Ecce quaeso suscepi ad loquendum ad Dominum meum, forte inventi fuerint ibi viginti, et dixit, Non perdam propter viginti. `Dixit, Ecce quaeso suscepi ad loquendum ad Dominum meum' significat, hic ut prius, humani humiliationem coram Divino: `forte inventi fuerint ibi viginti' significat si non aliquid pugnae sed usque bonum: `et dixit, Non perdam propter viginti' significat quod salvabuntur.