2178. Vers. 7. Et ad armentum cucurrit Abraham, et accepit filium bovis tenerum et bonum, et dedit ad puerum, et festinavit ad faciendum illum. `Ad armentum cucurrit Abraham' significat bonum naturale: `et accepit filium bovis tenerum et bonum' significat caeleste naturale quod conforme, quod rationale sibi adscivit, ut perceptioni ex Divino se {1} conjungeret: `et dedit ad puerum, et festinavit ad faciendum illum' significat conjunctionem hujus boni cum bono rationali; `puer' est hic homo naturalis. @1 sibi I.$