1491. Quod 'vocavit Pharaoh Abramum' significet quod Dominus recordatus, constare potest a significatione 'Pharaonis' quod sit scientia; ipsa scientia seu ipsa scientifica quae Dominus hausit cum puer, hic appellantur 'Pharaoh,' ita est ipsa scientia quae ita alloquitur Dominum, seu Jehovah per scientiam; inde patet quod haec significent quod Dominus recordatus; animadvertentia venit per scientiam, ita per 'Pharaonem,' per quem significatur, ut dictum, scientia.