1339. Vers. 12. Et Arpachshad vixit quinque et triginta annis et genuit Shelahum. 'Arpachshad vixit (x)quinque et triginta annis' significat initium secundi status hujus Ecclesiae, tum ipsum ejus statum alterum; per 'Arpachshad' significatur, hic ut prius, scientia: 'et genuit Shelahum' significat derivationem inde; 'Shelah' fuit gens ita nominata per quam significatur id quod scientiae.