Vers. 1-9. Et dixit Jehovah ad Moschen, Dola tibi duas tabulas lapidum secundum priores, et scribam super tabulis verba quae fuerunt super tabulis prioribus quas fregisti. Et esto paratus ad mane, et ascendes in matutino ad montem Sinai, et consistes Mihi ibi super capite montis. Et quisquam non ascendet tecum, et etiam quisquam nec videbitur in toto monte, etiam grex et armentum nec pascent e regione montis hujus. Et dolavit duas tabulas lapidum secundum priores, et surrexit mane Moscheh in matutino, et ascendit ad montem Sinai, quemadmodum praecepit Jehovah illi, et accepit in manu sua duas tabulas lapidum. Et descendit Jehovah in nube, et constitit cum eo ibi; et invocavit nomen Jehovae. Et transivit Jehovah super facies ejus, et invocavit, Jehovah, Jehovah, Deus misericors et gratiosus, longanimis iras, et magnus bonitate et veritate. Servans bonitatem ad milia, ferens iniquitatem et Praevaricationem et peccatum, et absolvendo non absolvit; visitans iniquitatem patrum super filios et [super] filios filiorum, super tertios et super quartos. Et festinavit Moscheh, et inflexit se ad terram, et adoravit. Et dixit, Si quaeso inveni gratiam in oculis Tuis, Domine, eat quaeso Dominus in medio nostri, quia populus durus cervice ille, et propitius sis ad iniquitatem nostram et ad peccatum nostrum, et hereditatem Tuam facias nos. {1}`Et dixit Jehovah ad Moschen' significat conclusum de gente Israelitica: `dola tibi duas tabulas lapidum secundum priores' significat externum Verbi, Ecclesiae, et cultus, quale propter illam gentem: `et scribam super tabulis verba quae fuerunt super tabulis prioribus quas fregisti' significat interiora illorum Divina caelestia et spiritualia etiam in illis externis: `et esto paratus ad mane, et ascendes ad montem Sinai' significat ortum novum revelationis Divini Veri: `et consistes Mihi ibi super capite montis' significat ex caelo intimo ubi Divinus amor: `et quisquam non ascendet tecum' significat quod gens Israelitica non possit in Divino Vero esse: `et etiam quisquam nec videbitur in toto monte' significat quod Prorsus remota sit ab illo, ita extra illud: `etiam grex et armentum {2}nec pascent e regione montis hujus' significat quod nec instrui possent de bono interiore et exteriore Ecclesiae, cultus, et Verbi: `et dolavit duas tabulas lapidum secundum priores' significat externum Verbi, Ecclesiae, et cultus, quale propter gentem Israeliticam: `et surrexit mane Moscheh in matutino, et ascendit ad montem Sinai' significat ortum novum revelationis Divini Veri: `quemadmodum praecepit Jehovah illi' significat quod [ita] fieret quia institerunt: `et accepit in manu sua duas tabulas' significat externum Verbi, Ecclesiae, et cultus, quale propter gentem Israeliticam: `et descendit Jehovah in nube, et constitit cum eo ibi' significat externum Verbi in quo Divinum: `et invocavit nomen Jehovae' significat cultum Domini ex veris et bonis fidei et amoris [, et sic praeparationem ad receptionem]: `et transivit Jehovah super facies ejus' significat Divina interna super externis: `et invocavit, Jehovah, Jehovah, Deus misericors et gratiosus' significat ipsum Divinum, Divinum Humanum, et Divinum procedens, a Quo omne bonum: `longanimis [ad] iras' significat Divinam Clementiam: `et magnus bonitate et veritate' significat quod sit ipsum Bonum et ipsum Verum: `servans bonitatem ad milia' significat in aeternum: `ferens iniquitatem, praevaricationem, et peccatum' significat remotionem mali et ejus falsi ut non appareat: `et absolvendo non absolvit' significat tolerantiam usque ad consummationem: `visitans iniquitatem patrum super filios et super filios filiorum' significat rejectionem et damnationem malorum et inde falsorum in longa serie: `super tertios et super quartos' significat [damnationem] falsorum et inde malorum: `et festinavit Moscheh, et inflexit se ad terram, et adoravit' significat tunc receptionem ex influxu in externum, ac cultum ex humiliatione: `et dixit, Si quaeso inveni gratiam in oculis Tuis, Domine' significat quia receptum tale externum: `eat quaeso Dominus in medio nostri' significat ut sit Divinum intus in eo: `quia populus durus cervice ille' significat tametsi gens Israelitica non recipit Divinum ab interiore: `et propitius sis ad iniquitatem nostram, et ad peccatum nostrum' significat ut removeantur interiora eorum quae scatent falsis et malis: `et hereditatem Tuam facias nos' significat ut usque Ecclesia sit ibi. @1 See p. ix preliminary note 2. 1. Et dixit Jehovah ad Moschen, significat conclusum ex prioribus de gente Israelitica: dola tibi duas tabulas lapidum secundum priores, significat externum Verbi, Ecclesiae et cultus quale propter illam gentem: et scribam super tabulas verba quae fuerunt super tabulis prioribus quas fregisti, significat interiora illorum Divina coelestia et spiritualia etiam in illis externis. 2. Et esto paratus ad mane, et ascendes ad montem Sinai, significat ortum novum revelationis Divini Veri: et consistes Mihi ibi super capite montis, significat ex Divino amore. 3. Et quisquam non ascendet tecum, significat quod gens Israelitica non esse, possit in Divino Vero: et etiam quisquam nec videbitur in toto monte, significat quod prorsus remota ab illo, ita extra illud: etiam grex et armentum nec pascent in regione montis hujus, significat quod nec instrui possent de bono interiori et exteriori Ecclesiae, cultus, et Verbi. 4. Et dolavit duas tabulas lapidum secundum priores, significat quale externi Verbi, Ecclesiae, et cultus, et quale ejus propter illam gentem: (sacrificia et plura alia) et surrexit mane Moscheh in matutino et ascendit ad montem Sinai, significat ad ortum novem revelationis Divini Veri: quemadmodum praecepit Jehovah illi, significat quia sic institerunt: et accepit in manu sua duas tabulas lapidum, significat repraesentativum Verbi. 5. Et descendit Jehovah in nube, significat apparentiam Verbi tunc: et constitit cum eo, significat in quo ipsum Divinum: et invocavit nomen Jehovae, significat Praeparationem ad receptionem. 6. Et transivit Jehovah super facies ejus, significat Divina interna super externis: et invocavit Jehovah, Jehovah, Deus Misericors et gratiosus, significat praeparationem ab intimis ex Amore: longanimis ad iras, significat non periturum: et magnus bonitate et veritate, significat quod Ipsum Bonum et Verum. 7. Servans bonitatem ad millia, significat in Perpetuum: ferens iniquitatem praevaricationem et peccatum, significat remotionem mali et falsi ut non appareant: et absolvendo non absolvit, significat tolerantiam ad tempus: visitans iniquitatem patrum super filios, super filios filiorum significat remanentiam mali et falsi inde: super tertios et super quartos, significat apud illos qui in veris fidei et in bonis amoris sunt. 8. Et festinavit Moscheh, et inflexit se ad terram, et adoravit, significat inde influxum Divinum in externum, ac cultum ex humiliatione. 9. Et dixit, si quaeso inveni gratiam in oculis tuis Domine, significat quia receptum sit tale externum: eat quaeso Dominus in medio nostri, significat ut usque sit apud externum, cum in illo gens Israelitica: quia populus durus cervice ille, significat tametsi non recipit Divinum ab interiori: et propitius sis ad iniquitatem nostram et ad peccatum nostrum, significat quod tunc removeantur interiora illorum quae scatent malis et falsis: et haereditatem tuam facias nos, significat ut usque Ecclesia sit ibi.$ @2 non IT.$