10121. Vers. 36-46. Et juvencum peccati facies in diem super propitiationibus, et mundabis a peccato super altari in propitiando te super illo, et unges illud ad sanctificandum illud. Septem diebus propitiabis super altari, et sanctificabis illud, et erit altare sanctum sanctorum; omnes tangens altare sanctificabitur. Et hoc quod facies super altari; agnos filios anni duos in diem, juge. Agnum unum facies in mane, et agnum alterum facies inter vesperas. Et decima similae mixtae oleo tuso, quadrans hinis, et libamen quadrantis hinis vini agno primo. Et {1} agnum secundum facies inter vesperas, secundum minham matutinam, et secundum libamen ejus facies illi, ad odorem quietis, ignitum Jehovae. Holocaustum juge in generationes vestras ad ostium tentorii conventus coram Jehovah, ubi conveniam vobis ad loquendum ad te ibi. Et conveniam ibi filiis Israelis, et sanctificabitur in gloria Mea. Et sanctificabo tentorium conventus et altare, et Aharonem et filios ejus [sanctificabo] ad fungendum sacerdotio Mihi. Et habitabo in medio filiorum Israelis, et ero illis in Deum. Et cognoscent quod Ego Jehovah Deus eorum, Qui eduxi illos e terra Aegypti, ad habitandum Me in medio illorum; Ego Jehovah Deus illorum. {2} Et juvencum peccati facies in diem super propitiationibus' significat remotionem continuam malorum et inde falsorum in naturali homine per bonum innocentiae a Domino: `et mundabis a peccato super altari' significat purificationem a malis in caelo et in Ecclesia: `in propitiando te super illo {3}' significat sic facultatem recipiendi bonum a Domino: `et unges illud' significat inaugurationem ad repraesentandum Divinum Bonum Amoris a Domino in caelo et in Ecclesia: `ad sanctificandum illud' significat sic Dominus ibi: `septem diebus propitiabis super altari' significat plenum quoad influxum in caelum et in Ecclesiam: `et sanctificabis illud' significat ad recipiendum Dominum: `et erit altare sanctum sanctorum' significat regnum caeleste, ubi Dominus in bono amoris est praesens: `omnis tangens altare sanctificabitur' significat quemvis qui Divinum Domini recipit: `et hoc quod facies super altari' significat quod in genere concernit receptionem Domini in caelo et in Ecclesia: `agnos filios anni in diem' significat bonum innocentiae in omni statu: `juge' significat in omni cultu Divino: `agnum unum facies mane' significat remotionem malorum per bonum innocentiae a Domino in statu amoris et lucis inde in interno homine: `et agnum alterum {4} facies inter vesperas' significat simile in statu lucis et amoris in externo homine: `et decima similae mixtae oleo tuso, quadrans hinis' significat bonum spirituale ex caelesti quantum ad conjunctionem: `et libamen quadrantis hinis vini' significat verum spirituale quantum ad conjunctionem: `agno primo' significat hoc in interno homine: `et agnum secundum facies inter vesperas' significat remotionem malorum per bonum innocentiae a Domino in statu amoris et lucis inde in externo homine: `secundum minham matutinam, et secundum libamen ejus facies illi' significat bonum spirituale ex caelesti et ejus verum quantum ad conjunctionem: `ad odorem quietis' significat perceptivum pacis: `ignitum Jehovae' significat ex Divino Amore Domini: `holocaustum juge' significat omnem cultum Divinum in genere: `in generationes vestras' significat perpetuum in Ecclesia: `(x)ad ostium tentorii' significat conjunctionem boni et veri: `coram Jehovah' significat a Domino: `ubi conveniam vobis ad loquendum ad te ibi' significat praesentiam et influxum Ipsius: `et conveniam ibi filiis Israelis' significat praesentiam Domini in Ecclesia: `et sanctificabitur in gloria Mea' significat receptivum Divini Veri a Domino: `et sanctificabo tentorium conventus' significat receptivum Domini in caelis inferioribus: `et altare' significat receptivum Divini a Domino in caelis superioribus: `et Aharonem et filios ejus ad fungendum sacerdotio Mihi significat repraesentativum Domini in utrisque quoad opus salvationis: `et habitabo in medio filiorum Israelis' significat praesentiam Domini et influxum Ipsius per bonum in caelo et in Ecclesia: `et ero illis in Deum' significat praesentiam Domini et influxum Ipsius in verum in Ecclesia: `et cognoscent quod Ego Jehovah Deus eorum' significat perceptivum quod a Domino omne bonum et omne verum: `Qui eduxi illos e terra Aegypti' significat salvationem ab inferno a Domino: `ad habitandum Me in medio illorum' significat Divinum Domini, quod omne in omnibus caeli et Ecclesiae: `Ego Jehovah Deus illorum' significat a Quo omne bonum amoris et verum fidei. @1 Ad I, At T$ @2 See p. ix preliminary note 2. 36. Et juvencum peccati facies in diem super propitiationibus significat remotionem continuam malorum et inde falsorum in naturali homine, per bonum innocentiae a Domino: et mundabis a peccato super altari, significat remotionem eorundem sic ubivis: in propitiando te super illo, significat sic facultatem recipiendi bonum veri a Domino: et unges illud, significat bonum suum ab intimo: ad sanctificandum illud, significat sic Dominus ibi. 37. Septem diebus propitiabis super altari, significat plenum influxus et receptionem: et sanctificabis illud, significat ad recipiendum Dominum: et erit altare sanctum sanctorum, significat Dominum ibi: omnis tangens altare sanctificabitur, significat ubivis ubi Divinum Domini. 38. Et hoc quod facies super altari, significat Divinum Domini in coelis ac receptivum Ipsius in bono: agnos filios anni in diem, significat in bono innocentiae: juge, significat non alibi. 39 Agnum unum facies in mane, significat remotionem malorum per bonum innocentiae a Domino in statu amoris et lucis inde in interno homine: et agnum alterum facies inter vesperas, significat similiter in statum amoris et lucis inde in externo homine. 40. Et decima similae mixtae oleo tuso, significat bonum coeleste, quod intimum coeli, quantum ad usum vitae: quadrans hinis, et libamen quadrantis hinis vini, significat verum spirituale, et quantum ad conjunctionem: agno primo, significat in interno homine. 41. Et agnum secundum facies inter vesperas, significat quoad remotionem malorum per bonum innocentiae a Domino in externo homine: secundum mincham matutinam, et secundum libamen ejus facies illi, significat quoad receptionem boni ac veri quantum ad usum: ad odorem quietis, significat sic statum pacis: ignitum Jehovae, significat ex Divino amore Domini. 42. Holocaustum juge, significat remotionem malorum et inde falsorum ubivis: in generationes vestras, significat continue sic regenerationem: ad ostensium [ostium intended] tentorii, significat ad conjunctionem boni et veri: coram Jehovah, significat a Domino: ubi conveniam vobis ad loquendum ad te ibi, significa[t] sic praesentiam et influxum Ipsius. 43. Et conveniam ibi filiis Israelis, significat in Regno spirituali: et sanctificabitur in gloria mea, significat Divinum Verum ex Divino Bono ibi. 44. Et sanctificabo tentorium conventus, significat receptivum Divini Domino in coelis inferioribus: et altare, significat in coelis superioribus et Aharonem et filios ejus ad fungendum sacerdotio Mihi, significat repraesentativum Domini in utrisque quoad omne opus salvationis. 45. Et habitabo in medio filiorum Israelis, significat repraesentativum influxus et praesentiae Domini ibi quoad Divinum Bonum: et ero illis in Deum, significat quoad Divinum Verum. 46. Et cognoscent quod Ego Jehovah Deus eorum, significat perceptivum Domini, quod ab Ipso omne bonum et omne verum, ita omne vitae aeternae qui eduxi eos e terra Aegypti, significat salvationem ab inferno, ab Ipso: ad habitandum Me in medio illorum, significat Divinum Domini omne in omnibus coeli: Ego Jehovah Deus illorum, significat a quo omne amoris et fidei.$ @3 altari IT$ @4 unum IT$