518. Prius, ubi actum est de Conjugio Domini et Ecclesiae n. 116, seq. et ubi de Conjugio boni et veri n. 83 seq.{1} demonstratum est, quod illud Conjugium correspondeat Conjugiis in terris; inde consequitur, quod violatio illius Conjugii correspondeat scortationibus et adulteriis: quod ita sit, manifeste patet ex ipso Verbo, quod ibi per Scortationes et Adulteria significentur falsificationes veri et adulterationes boni, ut in evidentia videri potest ex locis e Verbo in Apocalypsi Revelata, n. 134, in copia adductis. @1. Prima editio: seq (absque puncto)$