Vers. 1-3. Et hoc verbum quod facies illis ad sanctificandum eos ad fungendum sacerdotio Mihi: Sume juvencum unum filium armenti, et arietes duos integros. Et panem azymorum, et placentas azymorum mixtas oleo, et lagana azymorum uncta oleo; simila triticorum facies ea. Et dabis illa super corbem unum, et appropinquare facies illa in corbe; et juvencum et duos arietes. {1}'Et hoc verbum quod facies illis' significat legem ordinis: `ad sanctificandum illos' significat repraesentationem Domini quoad Divinum Humanum: `ad fungendum sacerdotio Mihi' significat ad repraesentandum omne opus salvationis ab Ipso: `sume juvencum unum filium armenti' significat purificationem naturalis seu externi hominis: `et arietes duos integros' significat purificationem spiritualis seu interni hominis: `et panem azymorum' significat purificationem caelestis in intimo hominis: `et placentas azymorum mixtas oleo' significat purificationem caelestis medii: `et lagana azymorum uncta oleo' significat caeleste in externo homine: `simila triticorum facies ea' significat verum quod ex Divino Bono [, ex quo illa]: `et dabis illa super corbem unum' significat sensuale in quo illa: `et appropinquare facies illa in corbe' significat sic praesentiam omnium: `et juvencum et duos arietes' significat naturale seu externum hominis, ac spirituale seu internum ejus, quae purificanda. @1 See p. ix preliminary note 2. Et hoc Verbum, quod facies illis, significat legem ordinis: ad sanctificandum illos, significat ut sit repraesentatio Domini quoad Divinum Humanum: ad fungendum sacerdotio Mihi, significat ad repraesentandum omne opus salvationis ab Ipso: sume juvencum unum filium armenti, significat inaugurationem per bonum naturale: et arietes duos integros, significat inaugurationem per bonum spirituale, et conjunctionem ejus utrinque. 2. Et panem azymorum, significat inaugurationem in bonum coeleste: et placentas azymorum mixtas oleo, significat purum bonum spirituale a coelesti: et lagana azymorum uncta oleo, significat per bonum naturale et a coelesti: simila triticorum facies ea, significat per Divinum Verum quod ex Divino Bono, ex quo illa. 3. Et dabis illa super corbem unum, significat sensuale in quo illa: et approprinquare facies illa in corbe, significat conjunctionem inde: et juvencum et duos arietes, significat eum bono naturali et eum bono spirituali utriusque spectante.$