CAPUT XXIX 1. Et hoc verbum quod facies illis ad sanctificandum eos ad fungendum sacerdotio Mihi: Sume juvencum unum filium armenti, et arietes duos integros. 2. Et panem azymorum, et placentas azymorum mixtas oleo, et lagana azymorum uncta oleo; simila triticorum facies ea. 3. Et dabis illa super corbem unum, et appropinquare facies illa in corbe; et juvencum et duos arietes. 4. Et Aharonem et filios ejus appropinquare facies ad ostium tentorii conventus, et lavabis eos aquis. 5. Et accipies vestes, et induces Aharonem tunica, et pallio ephodi, et ephodo, et pectorali; et cinges illum cingulo ephodi. 6. Et pones cidarim super caput ejus, et dabis coronamentum sanctitatis super cidarim. 7. Et accipies oleum unctionis, et fundes super caput ejus, et unges eum. 8. Et filios ejus appropinquare facies, et indues illos tunicis. 9. Et accinges illos balteo, Aharonem et filios ejus, et alligabis illis tiaras, et erit illis sacerdotium in statutum saeculi; et implebis manum Aharonis, et manum filiorum ejus. 10. Et appropinquare facies juvencum ante tentorium conventus, et {1}imponent Aharon et filii ejus manus suas super caput juvenci. @1 imponent IT$ 11. Et mactabis juvencum coram JEHOVAH ad ostium tentorii conventus. 12. Et accipies ex sanguine juvenci, et dabis super cornua altaris digito tuo; et omnem sanguinem effundes ad fundamentum altaris. 13. Et accipies omnem adipem tegentem intestina, et reticulum super jecore, et duos renes, et adipem qui super illis, et adolebis altare. 14. Et carnem juvenci, et pellem ejus, et fimum ejus, combures igne extra castra; peccatum hoc. 15. Et arietem unum accipies, et imponent Aharon et filii ejus manus suas super caput arietis. 16. Et mactabis arietem, et accipies sanguinem ejus, et asperges super altare circumcirca. 17. Et arietem secabis in segmenta sua, et lavabis intestina ejus, et crura ejus, et dabis super segmenta ejus, et super caput ejus. 18. Et adolebis cum toto ariete altare; holocaustum hoc JEHOVAE, odor quietis, ignitum JEHOVAE hoc. 19. Et accipies arietem secundum, et imponet Aharon et filii ejus manus suas super caput arietis. 20. Et mactabis arietem, et accipies ex sanguine ejus, et dabis super auriculam auris Aharonis, et super auriculam auris filiorum ejus dextrae, et super pollicem manus eorum dextrae, et super pollicem pedis eorum dextri, et asperges sanguinem super altare circumcirca. 21. Et accipies ex sanguine qui super altari, et ex oleo unctionis, et sparges super Aharonem, et super vestes ejus, et super filios ejus, et super vestes filiorum ejus cum illo; et sanctus ille, et vestes ejus, et filii ejus, et vestes filiorum ejus cum illo. 22. Et accipies de ariete adipem, et caudam, et adipem tegentem intestina, et reticulum jecoris, et duos renes, et adipem qui super illis, et armum dextrum, quia aries impletionum ille. 23. Et tractam panis unam, et placentam panis olei unam, et laganum unum, e corbe azymorum, quae coram JEHOVAH. 24. Et pones omnia super volis Aharonis, et super volis filiorum ejus, et agitabis illa agitationem coram JEHOVAH. 25. Et accipies ea de manu eorum, et adolebis altare super holocausto, ad odorem quietis coram JEHOVAH, ignitum hoc JEHOVAE. {1}26. Et accipies pectus de ariete impletionum, qui Aharoni, et agitabis illud agitationem coram JEHOVAH, et erit tibi in portionem. @1 See p. ix preliminary note 1. A begins here.$ 27. Et sanctificabis pectus agitationis, et armum sublationis, quod agitatum, et qui sublatus de ariete impletionum, de eo qui Aharoni et de eo qui filiis ejus. 28. Et erit Aharoni et filiis ejus in statutum saeculi a cum filiis Israelis, quia sublatio haec, et sublatio erit a cum filiis {1}Israelis de sacrificiis pacificis illorum, sublatio illorum JEHOVAE. @1 oT$ 29. Et vestes sanctitatis quae Aharoni erunt filiis ejus post illum, ad ungendum in illis, et ad implendum in illis manum eorum. 30. Septem diebus induet illas sacerdos post eum de filiis ejus, qui intrabit in tentorium conventus ad ministrandum in sancto. 31. Et arietem impletionum accipies, et coques carnem ejus in loco sancto. 32. Et comedet Aharon et filii ejus carnem arietis, et panem qui in corbe, ad ostium tentorii conventus. 33. Et comedent illa in quibus expiatum, ad implendum manum eorum, ad sanctificandum illos; et alienus non comedet, quia sanctum illa. 34. Et si relictum fuerit de carne impletionum, et de pane usque ad mane, et combures relictum igne, non comedetur, quia sanctum hoc. 35. Et facies Aharoni et filiis ejus ita, secundum omne quod praecepi tibi; septem diebus implebis manum eorum. 36. Et juvencum peccati facies in diem super propitiationibus, et mundabis a peccato super altari in propitiando te super illo, et unges illud ad sanctificandum illud. 37. Septem diebus propitiabis super altari, et sanctificabis illud, et erit altare sanctum sanctorum; omnis tangens altare sanctificabitur. 38. Et hoc quod facies super altari; agnos filios anni duos in diem, juge. 39. Agnum unum facies in mane, et agnum alterum facies inter vesperas. 40. Et decima similae mixtae oleo tuso, quadrans hinis, et libamen quadrantis hinis vini agno primo. 41. Et agnum secundum facies inter vesperas, secundum minham matutinam, et secundum libamen ejus facies illi, ad odorem quietis, ignitum JEHOVAE. 42. {1} Holocaustum juge in generationes vestras ad ostium tentorii conventus coram JEHOVAH, ubi conveniam vobis ad loquendum ad te ibi. @1 i Et IT$ 43. Et conveniam ibi filiis Israelis, et sanctificabitur in gloria Mea. 44. Et sanctificabo tentorium conventus et altare, et Aharonem et filios ejus sanctificabo ad fungendum sacerdotio Mihi. 45. Et habitabo in medio filiorum Israelis, et ero illis in DEUM. 46. Et cognoscent quod Ego JEHOVAH DEUS eorum, Qui eduxi illos e terra Aegypti, ad habitandum Me in medio illorum; Ego JEHOVAH DEUS illorum.