9912. `Totum hyacinthino' : quod significet per influxum ex bono regni caelestis, constat ex significatione `hyacinthini' quod sit caelestis amor veri, de qua n. 9466, {1}quod est bonum amoris mutui, et bonum amoris mutui est bonum externum regni caelestis; nam bona in caelis procedunt ordine ab intimis ad extrema, et quo ordine procedunt, etiam influunt, nam procedere est influere; quo ordine bona procedunt, videatur n. 9873; hoc bonum est quod influit in bonum internum regni spiritualis, quod per `pallium' significatur; inde existit ejus bonum, quod est bonum charitatis erga proximum; inde nunc est quod pallium esset totum ex hyacinthino; cum {2}influxu bonorum ita se habet: non datur aliquod bonum quod bonum {3} nisi in se habeat bonum interius ex quo; bonum interius ex quo facit essentiam ejus; unde est quod id bonum existat in sequente paene sicut anima in suo corpore; id sequens est, de quo dicitur quod procedat ex altero, quod est interius; quod bonum charitatis erga proximum procedat ex bono amoris mutui, quod est bonum {4}prius seu interius, aliquoties (t)ostensum est; bonum amoris mutui est bonum innocentiae externum, et nisi bonum charitatis in se habeat bonum innocentiae, non est bonum charitatis, n. 2526, 2780, 3183, 4797, 6765, 7840, 9262, consequenter nisi in se habeat bonum amoris mutui; inde nunc est quod pallium ex hyacinthino totum fuerit, nam hyacinthinum est bonum amoris mutui, seu quod idem, bonum innocentiae externum, et pallium est Divinum Verum in forma interna in regno spirituali, quod idem est cum bono charitatis, n. 9825. @1 quod est bonum charitatis ex bono amoris mutui, bonum charitatis est internum Regni spiritualis$ @2 his$ @3 i in coelis,$ @4 externum Regni coelestis$