9413. Vers. 12-15. Et dixit Jehovah ad Moschen, Ascende ad Me in montem, et esto ibi; et dabo tibi tabulas lapidis, et legem, et praeceptum, quae scribam ad docendum illos. Et surrexit Moscheh et Jehoschua minister ejus, et ascendit Moscheh ad montem Dei. Et ad seniores dixit, Sedete nobis in hoc, donec revertamur ad vos; et ecce Aharon et Chur vobiscum; quisquis habens verba, accedat ad illos. Et ascendit Moscheh ad montem, et obtexit nubes montem. `Et dixit Jehovah ad Moschen' significat instructionem a Domino pro illis qui in sensu externo: `ascende ad Me in montem, et esto ibi' significat praesentiam Domini apud illos per intermedium: `et dabo tibi tabulas lapidis' significat librum legis seu Verbum in omni complexu: `et legem et praeceptum' significat verum in communi {1}et in particulari: `quae scribam ad docendum illos' significat ad reminiscentiam et ad informationem: et surrexit Moscheh et Jehoschua minister ejus' significat Verbum et repraesentativum: `et ascendit Moscheh ad montem Dei' significat {2}versus caelum: `et ad seniores dixit' significat illos qui in solo sensu externo: `Sedete nobis in hoc' significat ut in illo maneant: `donec revertamur ad vos' significat usque ad responsum: `et ecce Aharon et Chur vobiscum' significat doctrinam veri ex Verbo tali: `qui habens verba, accedat ad illos' significat quod inde removenda falsa: (m)`et ascendit Moscheh ad montem' significat ad caelum: `et obtexit nubes montem' significat externa Verbi.(n) {3} @1 :praeceptum significat verum in particulari$ @2 d ad coelum i and d versus i ad coelum cp n. 9420$ @3 A has the following note at the foot of p., with which cp n. 9424: Chur sustentavit manus Moschis [3 or 4 indecipherable words follow]. Aharon is also written above Chur$