9162. `Quando dederit vir socio suo asinum, vel bovem, vel pecudem, (x)et omnem bestiam ad custodiendum': quod significet verum et bonum exterius et interius, ac omne quod est affectionis illorum, in memoria, constat ex significatione `asini, bovis, et pecudis' quod sit verum exterius et interius, de qua supra n. 9135, ex significatione `bestiae' quod sit affectio boni ac veri, de qua n. 45, 46, 142, 143, 246, 714-716, 719, 1823, 2179, 2180, 2781, 3218, 3519, 5198, (x)7424, 7523, 9090, et ex significatione `dari ad custodiendum' quod sit reponi ac teneri in memoria, de qua supra n. 9149; quod `vir socius' non sit unus et alter, sed duo in uno, n. 9149.