9086. {1} `Et ceciderit illuc bos vel asinus': quod significet quod pervertit bonum aut verum in naturali, constat ex significatione `cadere' quod sit pervertere, de qua sequitur, ex significatione `bovis' quod sit affectio mali in naturali, ita malum ibi, de qua supra n. 9065, et ex significatione `asini' quod sit verum in naturali, de qua n. 2781, 5492, 5741, 7024, 8078. Quod `cadere in foveam' cum dicitur de bono et vero in naturali, quae significantur per `bovem et asinum,' sit pervertere, patet ex illis quae in versu sequente {2} continentur, ibi enim agitur de emendatione per verum, quod fieri potest cum bonis et veris perversis, non autem cum illis exstinctis; nam cum bonum aut verum pervertitur usque manet, sed perverse explicatum {3}; `cadere' etiam est labi per errorem. [2] Quia hoc significatum est per `cadere in foveam,' ideo dictum est a Domino, Cujus vestrum asinus aut bos in puteum cadit, quem non statim extrahitis in die sabbati? Luc. xiv 5;
hoc dictum est a Domino cum hydropicum (o)in die sabbati sanavit; dies sabbati erat sanctissimus in illa Ecclesia quia significabat conjugium caeleste, quod est conjunctio boni et veri (c)ex Domino, n. 8495, 8510; inde sanationes a Domino fiebant in die sabbati, nam sanatio involvebat sanationem vitae spiritualis, et morbus hydropicus veri (o)et boni perversionem, ita sanatio veri perversi {4} emendationem et restitutionem; nam omnia miracula Domini involvebant et significabant status Ecclesiae, n. (x)8364, quemadmodum in genere omnia miracula Divina, n. 7337; inde nunc est quod a Domino dictum, `Cujus vestrum asinus aut bos in puteum cadit, quem non statim extrahitis in die sabbati?' per quae in sensu spirituali id quod dictum est {5} significabatur; nam quicquid Dominus locutus est, ex Divino locutus est, et cum ex Divino, singulis sensus internus inest, n. 9049, 9063 (o)fin.; per `puteum' ibi simile significatur quod per foveam, nempe falsum, n. 1688. Et quia `fovea' est falsum, ideo quoque' Dominus cum de falsis Ecclesiae locutus est, dixit, Quando caecus caecum ducit, ambo in foveam cadunt, Matth. xv 14;
`caecus' est qui in erroneis, `cadere in foveam' est pervertere verum {6}; haec comparative dicta sunt, sed omnes comparationes (o)in Verbo ex significativis sumptae {7} sunt, n. (x)3579, 8989. [3] Qui credunt quod sanctum Divinum quod in Verbo, non altius reconditum lateat quam in sensu qui apparet in littera, is in his et in reliquis Verbi non aliunde videt sanctum quam ex fide quod omnia (o)quae ibi Divinitus inspirata sint {8}; et quod {9} inexplicabilia ibi sint arcana soli Deo {10} nota, at qui in hac fide non sunt Verbum contemnunt, solum ob stilum ad apparentiam magis humilem, quam est stilus qui ad genium mundi applicatus est, qualis est apud plures scriptores antiquos et hodiernos; at {11} sciant quod sanctum Divinum lateat in omnibus et singulis Verbi, sed consistat in eo quod omnia et singula agant {12} de Domino, de (t)Ipsius regno et {13} Ecclesia; haec sanctissima sunt, quia sunt Divina a Domino, in quibus sic (o)est vita aeterna secundum Domini verba apud Johannem, Verba quae Ego loquor vobis, spiritus sunt et vita sunt, vi (x)63;
sed sanctissima illa Divina patent coram angelis in caelo, quia hi non capiunt Verbum naturaliter secundum sensum litteralem sed spiritualiter secundum sensum internum; secundum hunc sensum etiam homines caperent Verbum si angelicam vitam viverent, nempe vitam fidei et amoris; quae in sensu interno Verbi continentur nec aliud sunt quam quae genuina doctrina Ecclesiae docet; genuina doctrina Ecclesiae docet Dominum, fidem in Ipsum, amorem in Ipsum, et amorem boni quod ab Ipso; hic amor est charitas erga proximum, n. 6709, 6710, 8123; qui hanc vitam vivunt illustrantur a Domino et vident sancta Verbi, et nullatenus alii; videatur Praefatio ad Gen. xviii. @1 See p. 399, note 2$ @2 i in sensu interno$ @3 explicatur$ @4 perversionem per falsa, et sanatio ejus$ @5 etiam in spirituali sensu idem$ @6 falso, n. 2383$ @7 desumtae$ @8 sunt$ @9 i quae$ @10 Deo solum$ @11 sed$ @12 i ibi$ @13 i de$
This page is part of 
© 2000-2001 The Academy of the New Church