906. Quod 'tu et uxor tua' significet Ecclesiam, similiter a serie rerum constare potest; tum quod 'filii et uxores filiorum tecum' significent vera et bona conjuncta veris apud illum: quod 'tu' significet hominem Ecclesiae, patet; et quod 'uxor' significet Ecclesiam, et quod 'filii' vera, et 'uxores filiorum' bona conjuncta veris, prius passim ostensum est, quare non illis immorandum.