8949. In cultu sunt perquam humiles, nam in illo se pro nihilo aestimant; colunt Dominum nostrum, et Ipsum pro Unico Deo agnoscunt; Dominus enim apparet quandoque illis qui in tellure illa sub forma angelica, et sic ut homo; et tunc Divinum elucet ex facie et afficit animum. Incolae etiam, tum ad aetatem perveniunt, loquuntur cum spiritibus a quibus instruuntur de Domino, et quomodo colendus, tum quomodo vivendum.