743. Vers. 8, 9. De bestia munda, et de bestia quae non ea munda, et de avi, et omni quod repit super humo. Bina bina intrarunt ad Noahum in arcam, masculus et femina, quemadmodum praeceperat Deus Noaho. Per 'bestiam mundam' significantur, ut prius, affectiones boni: per 'bestiam non mundam' cupiditates: per 'avem' in genere cogitata per 'omne quod repit super humo' sensuale et quodcumque volupe 'bina bina' significant correspondentia: 'quod intrarint in arcam, quod tutata: 'masculus et femina,' ut prius, verum et bonum: 'quemadmodum praeceperat Deus Noaho' quod ita factum.