6656. `Forte multiplicabitur, et erit quod obveniant bella': quod significet praevalentiam si crescit, constat ex significatione `multiplicari' quod sit crescere quoad vera, de qua n. 43, 55, 913, 983, 2846, 2847; et ex significatione `bellorum' quod sint pugnae de veris et falsis, seu pugnae spirituales, de qua n. 1664, 2686; et quia sequitur quod `adjunget se etiam ille ad inimicos nostros,' significatur in pugnis illis praevalentia.