508. Vers. 13, 14. Et vixit Kenan, postquam genuit illum Mahalalelem, quadraginta annis et octingentis annis; et genuit filios et filias. Et fuerunt omnes dies Kenanis, decem anni et nongenti anni; et mortuus est. 'Dies et numeri annorum' se habent ut prius dictum: ' filii et filiae' hic ut prius, significant vera et bona quae perceperunt, sed communius: quod 'mortuus sit' similiter significat quod desiit esse talis.