2210. Vers. 14. Num mirabile erit Jehovah quicquam? Ad tempus statum revertar ad te, juxta tempus hoc vitae, et Sarae filius. `Num mirabile erit pro Jehovah quicquam?' significat quod omne sit possibile Jehovae: `ad tempus statum revertar ad te' significat statum futurum: `juxta tempus hoc vitae, et Sarae filius' significat quod tunc Dominus exueret rationale humanum et indueret Rationale Divinum.