14. SENSUS INTERNUS In sequentibus per DOMINUM unice intelligitur Salvator mundi Jesus Christus, et Dominus appellatur absque ceteris nominibus: pro Domino agnoscitur et adoratur in universo caelo, quia Ipsi omnis potestas in caelis et in terris: mandavit etiam dicendo, Vos vocatis Me Domine, recte dicitis; sum namque, Joh. xiii 13. Et discipuli post resurrectionem appellarunt Ipsum Dominum.