10118. `Et facies Aharoni et filiis ejus ita': quod significet hoc repraesentativum glorificationis Domini, ac influxus Ipsius in caelos et in Ecclesiam, constat ex repraesentatione `Aharonis' quod sit Dominus quoad Divinum Bonum caeleste, de qua n. 9809 {1}, et ex repraesentatione `filiorum ejus' quod sit Dominus quoad Divinum Bonum spirituale, de qua n. 10,068, et ex (x)significatione `facere ita,' hoc est, {2} ungere illos et implere manus eorum, et sic inaugurare in sacerdotium, quod sit ut repraesentent Dominum quoad glorificationem Humani Ipsius, et influxum inde {3} in caelos et in Ecclesiam; nam unctio erat repraesentativum glorificationis Humani Ipsius, ac impletio manus erat repraesentativum influxus Ipsius (o)inde in caelos et in Ecclesiam; quod unctio repraesentaverit Divinum Bonum Domini in Divino Humano Ipsius, videatur n. 9954, consequenter glorificationem, quae est unitio Divini Humani cum ipso Divino, quod Pater vocatur, n. 10,053; et quod impletio manus repraesentaverit potentiam Divinam Domini per {4} Divinum Verum in caelis et in Ecclesia, ac communicativum et receptivum ejus ibi, n. 10,019, ita influxum ejus {5}. @1 9806$ @2 seu$ @3 Ipsius glorificationem, et quoad Ipsius influxum$ @4 quoad$ @5 Ipsius ibi$