104. Intimum coelum, per quod Dominus insinuat amorem conjugialem, sunt illi qui ibi prae reliquis in pace sunt; pax in coelis est comparative sicut ver in mundo quod jucundat et vivificat omnia; est ipsum jucundum coeleste in sua essentia; angeli qui ibi sunt, omnium sapientissimi sunt, et ex innocentia apparent aliis sicut infantes; amant infantes etiam plus quam illos amaverunt eorum parentes et matres, praesunt etiam utero gestantibus.