De Conjugio (Chadwick) n. 1

Next Number  See English  

1. DE CONJUGIO II

DE REPRAESENTATIONE AMORIS CONJUGIALIS PER PULCHERRIMA

Amor vere conjugialis repraesentatur in coelo per varia, repraesentatur per auras adamantinas, sicut ex rubinis et pyropis scintillantes, tum etiam per irides pulcherrimas, et quoque pluvias aureas, quae cum conspiciuntur, implent adstantes tali amoenitate et talibus delitiis ut mentis intima afficiant; audivi angelos, cum amor conjugialis ita repraesentabatur, in paradisiacis coeli, et dicebant quod tali delitio implerentur ut non possint exprimere aliter quam quod esset ipsum delitium, ex quo sicut ex sua origine omnes reliquae delitiae exoriantur; et hoc delitium dicebatur fuisse delitium purum mentis, absque omni excitatione cupidinis; talis enim est amor conjugialis in sua origine.


This page is part of the Writings of Emanuel Swedenborg

© 2000-2001 The Academy of the New Church