390. Quod sphaera procreandi, et sphaera tutandi procreata, in continua serie unum faciant, est quia amor procreandi continuatur in amorem procreati: qualis est amor procreandi cognoscitur ex ejus jucundo, quod sit supereminens et transcendens; in illo est status procreationis apud viros, ac insigniter status receptionis apud mulieres: hoc summe jucundum cum suo amore sequitur in partum, et ibi se implet.