925. EXPLICATIO. VERSUS 1. "Et vidi aliud signum in caelo, magnum et mirabile; angelos septem habentes plagas septem ultimas, quoniam in illis consummata est ira Dei." 1. "Et vidi aliud signum in caelo," significat revelationem a Domino, de statu ecclesiae ante ultimum judicium [n. 926]; "magnum et mirabile," significat ex Divina omnipotentia et providentia [n. 927]; "angelos septem habentes plagas septem ultimas," significat a Domino per Divinum Verum manifestata mala et falsa in omni complexu, quae prorsus devastarunt ecclesiam quoad omnia bona et vera ejus [n. 928]; "quoniam in illis consummata est ira Dei," significat sic finem ecclesiae [n. 829].