8. Quia Angli tali genio sunt, ideo praeficiuntur illis sacerdotes, et quoque magistratus, de quibus fidem habent quod intelligentes et sapientes sint, et tunc illis consensu favent in singulis quae dicunt et docent; per id in obedientia et quoque in doctrina tenentur; illi autem qui immorigeri sunt, et qui impii, ex societate eorum exterminantur, nam illi vinculum et unanimitatem solverent.