339. Datur ex auditu etiam cogitatio, et intus in cogitatione perceptio, et intus in perceptione affectio veri, et non simul affectio boni illius; affectio boni illius potest dari cum amore sui, famae, honoris, lucri, sed hoc non est conjugium sed adulterium: causa [est] quia hoc bonum, quod est mere naturale, potest esse oppositum bono ipsius veri, quod est spirituale, vario modo et respectu; exempla haec docere possunt.