165. (Vers. 4.) "Habes pauca nomina etiam in Sardibus," significat quod inter illos etiam sint, qui in cultu suo vitam habent. - Per "pauca nomina" significantur aliqui qui tales sunt, ut nunc sequitur; "nomen" enim significat quale alicujus; causa est, quia unusquisque in mundo spirituali nominatur secundum quale suum (n. 81); quale eorum, de quibus nunc, est, quod in cultu suo vitam habeant.